O xoves 23 e o venres 24 de xullo desenvolveranse as fases de selección, mentres que o sábado 25 se celebrará a final coas 6 bandas finalistas -dunha única categoría que aglutina tódolos ritmos e estilos- que optarán a dous premios: un de 1.000€ para o gañador e outro que consistirá nunha actuación no Festival Osa do Mar 2015 (4 e 5 de setembro) da banda que decida o xurado.
O certame acollerá un máximo de 20 e un mínimo de 10 grupos que disporán de zona de acampada gratuíta reservada.
Os músicos ou grupos formados en dous terzos por persoas con idades entre os 16 e os 35 e que non teñan editado disco ligado a contrato discográfico poden inscribirse antes do 15 de xullo presentando a documentación na Casa da Xuventude de Burela. Os interesados tamén poden contactar coa organización a través do enderezo romeria.montecastelo@gmail.com.