Entre o venres 22 e o domingo 24 de maio, Burela vestiuse de etiqueta para navegar nun verdadeiro mar de tapas, no que vinteún locais da hostalería local ofreceron as súas mellores creacións gastronómicas ó prezo especial de 2 euros.
Durante eses tres días servíronse máis de 6000 tapas entre os 21 locais participantes. Ademáis, nesta edición os propios comensais votaban pola calidade das tapas que consumían, e finalmente a tapa gañadora do concurso deste ano foi “Nunca Máis” de Mis en Plas. O segundo premio foi para Sitio, coa súa tapa “¿Percibes?”, e o terceiro premio foi para “Casa de Cubierta de la Abuela” de A Casa da Avoa. Os premios a estes tres hostaleiros entregaranse o vindeiro 29 de xuño, durante a tradicional cea que Acia Burela celebra coa hostalería local cada ano.
Asimesmo, entre tódolos votantes no Concurso sorteábanse dous vales de compra de 50 euros no Almacén do Peixe e Pescadería Pastoriza, e os agraciados foron Guadalupe, que selou a súa tarxeta no BoasMigas, e Juan Carlos, que a selara en Don Jamón.