O Club Kayak de Foz, continuando coas súas actividades enfocadas a dar a coñecer o piragüismo entre os rapaces máis pequenos da localidade, renovou o pasado mércores as súas xornadas de “bautismo de mar en piragua”. Nesta ocasión, foron os alumnos de 6º de primaria do Colexio A Nosa Señora do Pilar de Foz os que acudiron, a primeira hora da mañá, ata as instalacións do Club Kayak para participar nesta actividade. As condicións meteorolóxicas acompañaron en todo momento, permitindo gozar do piragüismo, do mar e de ría de Foz.
