A exposición sobre Filgueira Valverde que acolle o Cenima de Foz, que inclúe unha xincana literaria, foi inaugurada oficialmente este martes e estará aberta ata o día 16 deste mes en horario de 10 a 14 horas. No acto participou o secretario xeral de Política Lingüística, Valentín García Gómez, quen animou aos escolares a seguir o legado e os valores de Filgueira Valverde. O alcalde focense en funcións, Javier Jorge Castiñeira, agradeceu o apoio da Xunta á hora de contar con Foz para desenvolver estas actividades. Tamén asistiu Brais Fernández Álvarez, que é o responsable de Falcón Branco, co seu grupo de animación.
