Manuel Martínez impónse a Juan Carlos González Santín na votación de deputados socialistas do partido xudicial de Lugo

Os 96 concelleiros electos socialistas polo partido xudicial de Lugo participaron este xoves nunha votación para elixir entre as dúas listas presentadas con candidatos a deputados provinciais.

A encabezada polo actual voceiro provincial e alcalde de Becerreá, Manuel Martínez, obtivo 59 votos fronte ós 37 da encabezada polo secretario provincial do PSdeG, Juan Carlos González Santín.

Deste xeito, Manuel Martínez impónse como candidato á presidencia da Deputación tras lograr máis apoios á súa lista que se completa no partido xudicial de Lugo con Pablo Rivera Capón, Álvaro Santos, Juan Carlos González Santín e Sonsoles López Izquierdo.