O atleta do C.D. Egovarros-Viveiro Antonio Cabana proclamouse campión de España de carreiras de montaña M-75

Viveiro, 15 de xuño de 2015.- O pasado domingo celebrouse na localidade ourensá de Esgos, o Campeonato de España de Carreiras de Montaña, onde o equipo viveirense estivo representado na categoría de veteráns por 7 atletas. A distancia a cubrir era de 13 km para a categoría masculina e 8 km para a categoría feminina. O percorrido foi a subida ás Rochas- O Eirado, que foi un éxito a todos os niveis.

Destacando entre os atletas do C.D.Egovarros-Viveiro a Antonio Cabana, que se proclamou campión de España na categoría M-75, cun tempo de 1:29:05. Os seu compañeiro Eliseo López acadou a medalla de bronce na categoría de M-60; tamén foi medalla de bronce o seu compañeiro Emilio Martínez en M-50. Na categoría de W-40 no apartado femenino, Luisa López obtivo o subcampionato de España.

Os demáis atletas de Egovarros tamén realizaron unha excelente carreira.

Remataron a proba 277 atletas.