O equipo alevín do Balonmán Viveiro, cuartos no Galego

Viveiro, 9 de xuño de 2015.- O pasado sábado 6 de xuño, o equipo alevín do Balonmán Viveiro, puxo o broche final a unha tempada magnifica do club, disputando as finais Autonómicas da categoría.

Realmente tíñano difícil os pequenos, xa que se tiveron que levantar ás 7,00 da mañá para desprazarse a Ourense e logo disputar tres encontros contra o mellorciño de Galicia. A pesar de todo, lograron gañar un cuarto ao equipo anfitrión, no que xa de por si era todo un logro, que era o feito de clasificarse para os galegos e proclamarse campións de provinciais.

Por outra parte, os pequenos gozaron dunha nova xornada de balonmán de nivel e unha experiencia única, que seguramente nos valerá para ocasións vindeiras.

O equipo que se desprazou a Ourense estaba formado por: Óscar, Yotuel, Ralphy, Nico, Jorge, Ramón, Antonio, Xosé, Valeria e David; acompañados dos seus adestradores Isma e Julio Docampo.