Os concertos didácticos da EMMeD, presenciados por 750 rapaces e rapazas de Ribadeo, Barreiros, Trabada e Tapia

Ribadeo, 11 de xuño de 2015. Onte o alumnado e profesorado da Escola Municipal de Música e Danza (EMMeD) de Ribadeo realizou tres concertos didácticos ao longo da mañá aos que asistiron o alumnado de primaria do CEIP Gregorio Sanz, CPR Sagrado Corazón, CEIP Celso Currás (Trabada), CP Príncipe de Asturias (Tapia de Casariego) e CEIP de San Cosme (Barreiros).

En total foron arredor de 750 rapaces e rapazas os que tiveron a oportunidade de achegarse e coñecer todas as especialidades instrumentais e de danza que se imparten no centro.

A actividade tivo lugar no Auditorio Municipal Hernán Naval.