27 foron os equipos participantes no torneo de fútbol praia das Noites Alternativas de Cervo

Cervo, 27 de xullo de 2015.- No torneo de fútbol praia das Noites Alternativas organizadas polo Concello de Cervo participaron 27 equipos. E este martes empezarán os campionatos de fútbol 3×3 na Praza dos Campos.

Na entrega de premios aos gañadores do torneo de fútbol praia participaron o alcalde de Cervo, Alfonso Villares Bermúdez; a concelleira de Xuventude, Dolores García Caramés; e o edil de Deportes, José Ramón Soto Martínez.

E esta semana celebraranse na Praza dos Campos os campionatos de fútbol 3×3 para os que hai que inscribirse este martes de 20:30 a 21:30 horas.