O Concello de Cervo aproveitou a celebración da Foliada Nordestía en San Cibrao para levar a cabo este acto “cargado de simbolismo e bo facer, como é o izado da bandeira azul, que ademais supón a recuperación deste importante galardón turístico para unha das nosas praias máis senlleiras, como é a de O Torno”, explicou Manuela Méndez.
A edil de Medio Ambiente destacou que “este galardón ven facer verdadeira xustiza á excelente calidade que presentan na actualidade as nosas augas mariñas e aos importantes servizos turísticos que oferta a praia do Torno”.