Santiago, 03 de xullo de 2015.- As lonxas da Mariña lucense facturaron durante o primeiro semestre do ano un total de 54,8 millóns de euros polas vendas de peixe e marisco fresco, segundo datos de Pesca de Galicia. Esta cifra supón un 11% máis que no mesmo período do ano anterior, onde a facturación ascendeu a 48,9 millóns de euros.
O voceiro do Mar dos populares galegos salienta a importancia do incremento dos ingresos e do valor das capturas nas rulas lucenses ao tempo que se manteñen practicamente as capturas. Entre xaneiro e xuño movéronse nas lonxas da zona 20.541.238 quilos fronte aos 20.674.895 quilos do ano pasado, un tímido descenso do un por cento.
| 2015 | 2014 | |||
| Lonxa | Quilos | Importe € | Quilos | Importe € |
| Burela | 12.477.610,44 | 32.113.479,98 | 11.728.280,34 | 27.623.301,23 |
| Celeiro | 8.051.923,85 | 22.667.388,79 | 8.934.931,74 | 21.295.754,53 |
| Foz | 0,00 | 0,00 | 7,10 | 175,00 |
| O Vicedo | 3.156,90 | 10.693,83 | 3.026,91 | 6.195,57 |
| Ribadeo | 8.547,72 | 49.085,20 | 8.649,58 | 51.367,36 |
| 20.541.238,91 | 54.840.647,80 | 20.674.895,67 | 48.976.793,69 | |
A lonxa máis importante da zona en termos de facturación e número de capturas foi Burela, seguida de Celeiro. Pero todos os pósitos excepto o de Ribadeo, rexistra un incremento do valor das vendas.
Os datos analizados se corresponden coas cotizacións efectuadas nos seis primeiros meses deste ano 2015, un período que aínda non contempla o groso da costeira do bonito que, no seu primeiro mes de campaña deixa unhas cifras que volven a superar as rexistradas en 2014, ofrecendo tamén maiores ingresos, con aumento de descargas e prezos medios.
Comercialización
Balseiro quixo poñer en valor a evolución positiva das lonxas da Mariña ao tempo que insistiu na importancia de seguir avanzando en novas estratexias de comercialización dos peixes e mariscos galegos que permitan achegar maior valor engadido ás capturas.