Arranca o Ribadeo FC 15/16

O Ribadeo FC iniciaba este martes a pretemporada 15/16 con poucas novidades. Os de Germán e Vilachá contarán con boa parte da plantilla, a excepción de Fernando e Kiko, á que se incorporan os irmáns Diego e Borja dos Santos -procedentes do Andés da Terceira asturiana- para reforzar a portería e a defensa, respectivamente.

Ademais destas dúas incorporacións, realizarán a pretemporada co equipo catro mozos da provincia: Álvaro Moreda (Burela), Borja Mella (San Cibrao), Anxo Ginzo (A Pontenova) e Adrián Román (Lugo).

Amigables
Antes do derbi provincial de Terceira ante o Racing Vilalbés da primeira xornada da competición regular que se disputará no Pepe Barrera, o conxunto celeste disputará algúns amigables que servirán de posta a punto.

– Real Tapia – RIBADEO FC: mércores 29 de xullo ás 19.30 horas.

– CD Tineo – RIBADEO FC: sábado 1 de agosto ás 17.30 horas.

– CD San Ciprián – RIBADEO FC: mércores 5 de agosto ás 19.30 horas.

– RIBADEO FC – Andés CF: sábado 8 de agosto ás 18.30 horas (Trofeo Amistad).

– RIBADEO FC – Viveiro CF: mércores 12 de agosto ás 20.00 horas.

– Astur Vegadense – RIBADEO FC: sábado 15 de agosto ás 18.00 horas.

LXIV Trofeo Emma Cuervo
Aínda así, a primeira cita futbolística será o LXIV Trofeo Emma Cuervo, o vicedecano dos trofeos de verán, organizado polo Ribadeo FC. O CD Lugo e o Real Club Deportivo da Coruña mediranse no Pepe Barrera este sábado 25 de xullo a partir das 19.30 horas.