As monitoras de Gaia explicaron que “os nenos percorreron a praia en grupos premiando aos usuarios que realizaron algunha actuación correcta e que coñecían as normas e sancionando a aqueles outros que fixeron cousas indebidas e que descoñecen as normas das praias con bandeira azul. Os nenos animaron aos usuarios da praia a cumprir as normas de convivencia e de respecto ao medio ambiente premiando os bos comportamentos con tarxetas e a gorras azuis e os indebidos con tarxetas e gorras vermellas”.
A concelleira de Medio Ambiente, Noelia Ben, sinalou que “a actividade pretende concienciar a todos e cada un dos usuarios das praias de manter os nosos areais limpos e crear conciencia de que este é un ben natural que debemos coidar para poder aproveitalo”. As “sancións” dos pequenos permitiron aos bañistas coñecer qué actuacións son correctas e cales non o son para manter a praia en bo estado.