Foron moitas as persoas que fixeron as súas compras eses días nos establecementos e que cubriron cos seus datos as papeletas para participar en devandito sorteo. Os afortunados recibirán en vales de compra o gasto efectuado que figura nos boletos extraídos. Para recibir o premio deberán presentar o ticket desa compra.
Os premiados son: Fernando Villalba Fernández, realizou unha compra na Moda Sport e recibirá 52 euros en vales para gastar no comercio asociado a Acisa; María Aguiar Gavino, fixo unha compra en Duovisión e recibirá 100 euros en vales; Carmen Pérez Fernández, realizou unha compra en Joyería Azabache e obtén 125 euros en vales; e Conchi Rivas, fixo unha compra en calzados A Moda e recibirá 89 euros en vales.
O sorteo celebrouse en presenza do presidente do Acisa, Francisco Iriarte; o secretario da asociación, Roberto Rivas; e o vogal José Antonio Lombardero.
Acisa agradece “ó comercio ribadense a súa participación nesta campaña e ós clientes pola súa confianza e a súa fidelidade”.