Preto dunha trintena de persoas asistiron onte nas instalacións do hotel O Cabazo, en Ribadeo, á segunda fin de semana tecnolóxica que organizou a Asociación de Profesores de Automoción de Galicia. Foron oito horas de formación nas que a reprogramación de centralitas centrou a temática da xornada. O presidente de Apaga, o ribadense Álvaro Doural, amósase satisfeito coa acollida que está a ter esta iniciativa, que agora descansa ata o o vindeiro mes de setembro.
