Isaac, Diego Rego e Suso Foro apuntalan o Atleti Lourenzá de 1ª autonómica

O técnico das ED Lourenzá, Roberto Ramallal, vén de asinar este martes a súa renovación como adestrador do primeiro equipo das ED Lourenzá coincidindo co acto de presentación de 3 novas incorporacións para o Atleti que a vindeira temporada 15/16 militará na 1ª autonómica.

Isaac Fernández -procedente das categorías inferiores das Escolas Lourenzá e do CD Lugo que militou a pasada temporada no Viveiro e no Valadouro-, Diego Rego -procedente do Iberia, pero con pasado laurentino- e Suso Foro -procedente do Valadouro- son as novas incorporacións para “a ilusionante nova temporada” que foron presentadas en Santa Cruz polo presidente do club, Pablo Maseda; o representante do patrocinador, Construcciones Augacons, Juan López; e o secretario técnico do equipo, Óscar González.

Ramallal mostrouse “moi satisfeito de apuntalar o equipo; sobre todo, en posicións defensivas que era onde máis se necesitaba. Isaac pode cumprir de medio centro defensivo, lateral ou incluso de central; mentres que Diego Rego e Suso apuntalan o centro da defensa do equipo”.