Barcia afirmou que “as obras remataron hoxe, xa que hoxe tamén quedou rematada a instalación do sistema de sinalización lumínica e da súa fonte de alimentación”.
O anterior alcalde e actual portavoz do GMP tivo palabras de recoñecemento para o Ministerio de Fomento e a Autoridade Portuaria Ferrol-San Cibrao: “desde o minuto un, desde aquel luns de entroido do ano pasado no que un temporal derrubou o faro, atenderon as nosas peticións, que eran sinxelas: recuperar o faro de tal xeito que o novo fose unha réplica exacta do anterior. E teño que decir que en todo momento os dous organismos atenderon as nosas peticións de forma exquisita”.
González Barcia afirmou que “houbo que salvar o problema económico, xa que o total de cartos investidos pola Autoridade Portuaria na obra do Faro acércase ó medio millóns de euros, xa que á obra en sí mesma de reconstrucción do Faro, un 370.000’00€, hai que engadirlle os 20.000’00€ do proxecto e os 60.000’00€ da retirada dos restos do anterior. Pero fumos quen de plantexar a necesidade de reconstruir o Faro con argumentos, e aí está a realidade para verificar que fixemos unha mui boa xestión, que por outra parte o pobo de Burela se merecía”.