XI Clinic Lugo é Basket, o domingo 19 de xullo en Lugo

Lugo, 13 de xullo de 2015.- A APSX Sagrado Corazón organiza o XI Clinic Lugo é Basket, o domingo 19 de Xullo no Pazo dos Deportes de Lugo, coa presenza de Gustavo Aranzana, Trifón Poch e Lisardo Gómez; todos eles adestradores de baloncesto de gran prestixio a nivel nacional e internacional. O clinic desenvolverase baixo o seguinte programa:

10:45 – Presentación e Entrega de material.
11:00 – Gustavo Aranzana: Exercicios para a mellora da lectura no xogo.
12:45 – Gustavo Aranzana: Toma de decisións e axustes no xogo.
17:00 – Trifón Poch: Toma de decisións en ataque e en defensa.
18:30 – Trifón Poch: Defensa individual, conceptos e exercicios para mellorar a actividade e a iniciativa.
20:00 – Lisardo Gómez: Conceptos básicos defensivos.

A todos os asistentes se lle entregarán os impresos oficiais do clinic e a súa asistencia validará 8 horas de formación continua para adestradores.

O custo da inscrición será de 30 €, con descontos para grupos (consultar), e para facela efectiva chegará con enviar os datos persoais a ajsc_lugo@hotmail.com, achegando o ingreso correspondente no n.º de conta 2080 – 0151 – 19 -3040007121 de Abanca.

A APSX Sagrado Corazón quere ademáis agradecer a colaboración de Ferros Ferreiro, Hotel Méndez Núñez e Mazo de Santa Comba.