Medio centenar de alumnos/ás gozaron durante seis días e cinco noites da cita con deporte, contacto coa natureza, convivencia e moita diversión, baixo a coordinación da Fundación Imdecum e o secretario técnico do CD Burela FS Peixes Rubén, Juanma Marrube.
Os pequenos futbolistas compatibilizaron as sesións de adestramento con outros deportes, como futvoley, tiro con arco ou birlos, e actividades de ocio. Compartiron pista co xogador do CD Burela FS Peixes Rubén Hélder, que visitou o campus o martes en compañía do preparador físico Alfonso Mera. O Centro de Interpretación de Muniellos e a presa Prao del Molín foron algunhas das xoias naturais das que gozou o alumnado do clínic.
Na gala de clausura cada alumno/a recibiu un diploma acreditativo do Campus e o seu balón personalizado.