Viveiro, 31 de xullo de 2015.- A medallista nacional viveirense Yolanda Rodríguez, conquistou o pasado fin de semana a medalla de bronce na Copa Nacional “Princesa de Asturias”, unha das competicións nacionais mais prestixiosas despois do Campionato de España, a tiradora viveirense encadrada nas filas do San Froilán Lucense obtiña a medalla de bronce na modalidade de pistola deportiva, tras unha dura pugna cos seus rivais alcanzando a segunda praza no apartado de tiro de velocidade, que consiste en efectuar 20 disparos en secuencias de cinco segundos, con cinco tiros por secuencia a unha diana xiratoria, no apartado de precisión e sempre dentro do apartado de pistola deportiva a tiradora mariñana conquistou a terceira praza con outros vinte disparos a unha diana fixa.
A suma de ambos os dous resultados daba a Yolanda Rodriguez a medalla de bronce definitiva na categoria de Xoves Promesas, a tiradora preparou nas instalacións da Casa do Deporte lucense este campionato da man do seu adestrador Julio Rivas, tras finalizar os seus estudos de ESO.
A moza mariñana atopábase satisfeita, pois o ano anterior, denominándose esta competición aínda Copa Principe, quedase ás portas das medallas, agora toca preparar con intensidade o Campionato Galego que será a principios de Outubro, e o Campionato de España.
