Concerto de vento madeira da Banda de Música de Ribadeo con Clarinet Connection no Cine Teatro

Ribadeo, 15 de agosto de 2015. Por temor a chuvia este venres á noite trasladouse das inmediacións do parque de San Francisco ao Cine Teatro ribadense o concerto da sección de vento madeira da Banda Municipal de Música de Ribadeo xunto co grupo Clarinet Connection. Esta actuación está incluída no ciclo Agosto Musical 2015, organizado pola asociación Amadores da Música e que rematará o día 28 deste mes.

Baixo a dirección de David Ballester Martínez, no escenario do Cine Teatro tocaron en primeiro lugar varios grupos de instrumentistas por separado e despois actuaron todos xuntos para interpretar pezas como Lela ou El fantasma de la ópera.

A Banda Municipal de Música de Ribadeo ao completo ofrecerá un concerto este domingo 16, ás 13.30 horas na rúa San Roque con motivo da celebración das festas no honra do patrón da vila ribadense.