Lugo, 11 de agosto de 2015. A Garda Civil do Subsector de Tráfico de Lugo realizou a pasada fin de semana 657 probas de alcohol e/ou drogas na Mariña Lucense, no marco da campaña de intensificación de servizos para garantir o control e a seguridade dos desprazamentos propios que se producen con motivo das festas populares.
Nesta campaña desenvolvida en todas as provincias desta Comunidade Autónoma, realízanse controis, como acción preventiva, nas vías principais e secundarias, así como naqueles puntos da rede viaria que poidan ser utilizados para eludir estes controis, sendo estes temporais e intermitentes, como se realizan noutras campañas de tráfico.
Nestes controis foron imputados dous condutores como presuntos autores dun delito contra a seguridade vial por arroxar taxas penalmente perseguidas, así mesmo procedeuse á inmovilización de dous vehículos.