Dirixidos por Marcos Rodríguez Rodríguez, Calabash e a sección de percusión da Banda ribadense ofreceron varias pezas de música latina, pero tamén se atreveron con obras doutro tipo e incluso interpretaron unha de rock: Jump, de Van Halen. Todo isto despois de empezar o concerto de maneira espectacular coa interpretación da obra Short Circuits, de Lalo Davila, utilizando baquetas luminosas coa sala ás escuras.
O seguinte concerto do ciclo Agosto Musical será o vindeiro venres, día 14, ás 22:30 horas nas inmediacións do parque de San Francisco e correrá a cargo da sección de vento madeira da Banda Municipal de Música de Ribadeo xunto co grupo Clarinet Connection, coa dirección de David Ballester Martínez.