As especialidades que se impartirán neste curso serán as seguintes: Música e movemento para os máis pequenos de 4 a 7 anos, instrumentos de corda, instrumentos de vento, percusión,coro, banda e orquestra.
Os impresos de matrícula serán distribuídos durante estes días polos centros escolares de Mondoñedo. Para máis información, os interesados poden chamar aos seguintes teléfonos de contacto 607 423 721 e 677 838 812 ou na propia Escola de Música (Praza da Alcántara S/N, teléfono 982 50 73 85).
Festa de presentación do curso
Por outra banda, o mércores 16 de setembro, ás 19.30 horas, terá lugar a presentación con actividades musicais para todos os rapaces e a entrega de horarios.
O director da Escola de Música, Xan Carballal e o concelleiro de Educación, Alberto García, animan a matricularse no curso 2015/2016 e a participar nas actividades do mércores 16.