Tras a reunión mantida este mércores en Madrid, os Clubs da LNFS desexan comunicar os seguintes acordos alcanzados por unanimidade:
1.- Os Clubs da LNFS desexan mostrar o seu respecto ao dereito a folga de calquera traballador.
2.- De igual modo, amparados polo dereito ao traballo, os Clubs da LNFS manifestan que a disputa da competición programada no calendario deportivo se levará a cabo.
3.- Os actuais Clubs que forman a LNFS rexeitan a petición da AJFS de crear un fondo de garantía salarial de 320.000 € o primeiro ano, 330.000 € o segundo e 340.000 € o terceiro, que inclúe tamén o pagamento de débedas por pactos de palabra, sen control fiscal de clubs desaparecidos ou mal xestionados que pertencesen á LNFS durante algún período ou a totalidade da tempada, é rexeitado por consideralo impropio e irreal.
4.- A LNFS non acepta nin recoñece outro contrato que non sexa o oficial, que estea depositado na LNFS, e no que se reflicte o pagamento de Seguridade Social e IRPF.
5.- Dende que hai tres anos se constituíu a Comisión Mixta (clubs, xogadores e RFEF), todas as denuncias por incumprimento de contratos oficiais foron falladas e cobradas polos xogadores.
6.- Ante a petición de crear un fondo social para a AJFS de 25.000 € o primeiro ano, 30.000 € o segundo e 35.000 € o terceiro, os clubs da LNFS non consideran axeitado financiar a AJFS, tendo en conta que é unha institución privada e allea á LNFS, así como tamén porque se podería considerar unha inxerencia na súa independencia.
7.- Segundo o acordado na Xunta Directiva e na reunión de Clubs do pasado 8 de Xullo, a LNFS desexa asinar un Convenio coa AJFS que non poña en risco a viabilidade dos clubs actuais, dos seus xogadores de Primeira e Segunda División e os seus empregados, e sempre que este Convenio obrigue a todas as partes (clubs e xogadores) a cumprir coas obrigas legais e fiscais.