Remataron cunha festa este luns 31 de agosto as actividades das que gozaron durante este verán os nenos e nenas que acudiron á Ocioteca de Burela. Segundo explican as monitoras de Gaia “tivemos festa do pixama, festa da espuma e merenda. A da espuma foi todo un éxito. Nenos e nenas gozaron coma nunca lanzándose á espuma, tirándose nela…”. Pola súa banda, a concelleira de Medio Ambiente, Noelia María Ben, subliñou que “a Ocioteca foi un éxito, e os nenos e nenas gozaron de múltiples e variadas actividades desenvolvidas durante os meses de xullo e de agosto”.
