A cova de Valporquero data de máis dun millón de anos, e no seu interior puideron apreciar as formas mais caprichosas que a natureza é capaz de fabricar. Viron a “Virxe co Neno”, “a Torre de Pisa”, as “Xemelgas”, a “Pantasma”… unha infinidade de formacións de calcárea disolta en auga que tardarán en esquecer.
Finalizada a visita a este santuario da espeleoloxía, fixeron unha ruta de sendeirismo no faiedo próximo á cova, un lugar onde o brión e as faias forman un paraíso natural que serven de acubillo a unha infinidade de animais.
A Cova de Valporquero, xunto ao faiedo de Valporquero, así como as Fouces de Vegacervera (por onde pasaron en autobús), pertencen á reserva da biosfera dos Argüellos.
Para repoñer forzas dirixíronse a Casa Ezequiel en Villamanín, onde os esperaba unha “cuchipanda” das que marcan época.