Despois do roteiro literario Leiras Pulpeiro por Mondoñedo, Pasada das Cabras prepara unha viaxe a León para visitar a cova de Valporquero e realizar unha pequena ruta de 4 km de distancia e dificultade baixa o vindeiro sábado 12 de setembro. O prezo da actividade que inclúe viaxe en autobús, comida e seguro será de 25 euros para os socios e 30 para os non socios. A saída está prevista para as 07.00 horas dende a estación de autobuses de Burela. Os interesados en participar deben inscribirse contactando con Gráficas Arfe (982 580 504) antes do xoves 10 de setembro ás 20.00 horas.