Os ciclistas gozaron dun paseo pola ruta das praias con avituallamento no parque do río Ouro, na parroquia de Fazouro. Ao rematar o percorrido sorteáronse unha morea de agasallos entre os participantes e foron entregados catro premios: para o máis veterano, Jesús Oroza Vila; á máis nova, Noelia Gayoso Sixto; para a bicicleta mellor engalanada, Julia Fernández Castro; e ao mellor disfrace, Lucía Pardo Vázquez.
O rexedor municipal agradeceu a colaboración no evento de Club Ciclista Foz, La Voz de Galicia, Frutas Morriña, Gadis, Froiz, Motos Baltasar, Living Sport e Isabel López Peluquería e Estética, así como de Protección Civil e da Policía Local.