Solidariedade coa “pel de bolboreta” nas Carreiras Alas de Vida 2015

Xa non queda nadiña para as Carreiras Solidarias Alas de Vida 2015, un evento de carácter exclusivamente solidario.

Todo recadado durante as probas do sábado 26 e o domingo 27 destinarase á Asociación DEBRA para que siga coa súa importante función. Para nós a palabra voar ten un significado especial. Vai máis alá do deporte misturándoo coa solidariedade. Cremos fírmemente nesta relación. O deporte é unha vía marabillosa para conseguir unha sociedade máis xusta e mellor, para aportar o teu grao de area, para intentar cambiar as cousas e para axudar á xente que realmente o precisa. Por todo esto queremos animar á xente a participar e colaborar coa iniciativa. Ao final do “Alas de Vida 2014” recaudáronse 7.602,48€ e máis de 600 persoas participaron nas diferentes carreiras.

O seu obxectivo é dar a coñecer a enfermidade “Epidermólisis bullosa” máis coñecida como “Pel de Bolboreta” e recadar fondos para que a asociación DEBRA siga coa súa importante función de formación, financiación e investigación. Aportar o noso grao de area para que siga a súa loita por mellorar a calidade de vida dos afectados pola EB e das súas familias. Igualmente, pretende informar e concienciar dos beneficios da actividade física e impulsar a actividade deportiva a nivel popular co desenvolvemento de diversas carreiras.

PROGRAMA
Sábado 26
16.00 horas: “Paseo solidario Alas de Vida”: para fomentar o deporte a todos os ámbitos e grupos de idade. Pódense completar os 3km que desde a Praza da Mariña á Marosa de mil formas: andando, en patíns, bicicleta, silla de rodas, correndo… O importante é colaborar coa inscripción (3€, que inclúe o agasallo do emblema da Asociación DEBRA), pasar un bo rato e moverse.

– Para volver desde A Marosa habilitarase un tren turístico e as furgonetas da Asociación Camiña axudarán a transportar as bicicletas, patinetes e demáis vehículos que haxa.

-Rematarase con unha chocolatada e festa na Praza da Mariña (con xogos e sorpresas para as nenas e nenos e música).

Domingo 27
11.00 horas: “II Media Maratón de montaña Alas de Vida”: un duro e precioso percorrido polos arredores de Burela e o seu litoral marítimo.
Con 400m de desnivel acumulado e principalmente por pistas de terra e carreiros. Con servizos de avituallamento sólido e liquido, duchas e comida ao finalizar a proba para todos os participantes. O coste da inscripción é de 15€. A empresa Empa-t será a encargada da cronometraxe da proba.

A inscrición pode realizarse ata 15 minutos antes de que comece cada carreira, na Praza da Mariña, os dous días.