Talleres Gasalla efectuou melloras nos departamentos de atención ao cliente e recambios, así como na fachada da súa nave. Pepita Martínez e Manuel Gasalla esperan que “sexa do agrado de todos. O que fixemos está pensado para que os nosos clientes estean perfectamente atendidos e se sintan cómodos nas nosas instalacións. E engaden: “queremos que quen nos visita, que quen acode a nós, saia totalmente satisfeito”.
Talleres Gasalla, servizo oficial Citröen, abriu as súas portas na rúa Ramón González, de Ribadeo, en 1979 e anos máis tarde, en 1996, trasladouse a Vilar. Manuel Gasalla e Pepita Martínez destacan como curiosidade que “na nosa carteira de clientes temos a fillos e netos dos primeiros aos que atendemos a finais da década dos 70 ou nos anos 80”.
Na empresa traballan actualmente 9 empregados. Talleres Gasalla conta con exposición e venda de vehículos Citröen e ademais ofrece servizos de chapa e pintura, electricidade, mecánica e electrónica para todas as marcas: “contamos con técnicos e mecánicos especializados”, explicaron os propietarios.