Terras de Lourenzá realizará en outubro a ruta do “Desfiladero de los Arrudos”

Lourenzá, 29 de setembro de 2015.– Rematando setembro, a Asociación de Sendeirismo “Terras de Lourenzá” presenta a ruta do mes de outubro. Nesta ocasión volven desprazarse á veciña Comunidade Asturiana, para, en pleno Parque Natural de Redes, realizar a ruta do “Desfiladero de los Arrudos” (PR.AS-61).

Trátase dun percorrido lineal, de 11 kms e dificultade media-baixa, que os levará de Caleao a La Fontona, con regreso a Caleao. Tendo en conta as características do entorno, recomendan levar botas e bastóns.

Esta andaina será o domingo, 11 de outubro, e a saída de Lourenzá está prevista para as 7 da mañá. No prezo (de 35€ para socios e 40€ para non socios) inclúese o transporte en autobús, así como a comida, que realizarán nun restaurante da zona a base de menú típicamente asturiano.

O prazo para anotarse remata o xoves, 8 de outubro. Para as inscricións poñen a disposición dous números de teléfono: 636 49 64 48 (Marifé) ou 636 67 95 12 (Pepe); así como o correo da Asociación: terrasdelourenza@gmail.com