A vocación exportadora de Torre de Núñez, que comercializa o seu produto estrela en países como Portugal, Reino Unido, Francia, Alemaña, Italia, Irlanda, Dinamarca, Suecia, Noruega, Guatemala, República Dominicana, Panamá, Cuba, Hong Kong, Xapón e Bélxica; así como as dúas estrelas de ouro recibidas nos Great Taste Awards 2014 foron decisivos para a súa incorporación a este especializado grupo de empresas.
O obxectivo do Consorcio do Xamón Serrano é proporcionar un selo de calidade que garanta un xamón serrano exclusivo e de alta calidade para a súa comercialización nos mercados exteriores. Son máis de 20 anos os que dedicou este grupo á promoción internacional e control de calidade do xamón serrano.
Desde Torre de Núñez, a integración no consorcio nun paso importante para o seu proceso de expansión internacional xa que cada vez máis importadores valoran e buscan o selo do consorcio.