O Concello de Lourenzá organizaba o pasado venres o XVIII Día da Bici coa colaboración das Escolas Deportivas Lourenzá (ED Lourenzá Ciclismo), Motos Santalla, La Voz De Galicia, Pastelería Cabaleiros, a Comisión de Festas Conde Santo e Protección Civil. Participaron 176 ciclistas de diversas idades que disfrutaron do percorrido ata a Cazolga, completando un total de 12 quilómetros. Ó final do evento sorteouse entre todos os participantes a tradicional bicicleta de montaña que foi entregada pola alcaldesa de Lourenzá, Rocío López. O afortunado nesta edición foi José Antonio Rodríguez Romero.
