O grupo de teatro de “A Mariña” representará a obra “O cazo de Sabela” que está baseada no conto “El cazo de Lorenzo”. Esta obra trata metafóricamente a historia dunha nena á que de súpeto lle cae un cazo enriba e dende ese momento ten que aprender a convivir con él.
O cazo simboliza a enfermidade mental, o que supón para eles mesmos, para as súas familias e como podemos axudar nós a normalizar esa situación e facer que sexa máis doada de levar.
Será unha xornada moi divertida onde, ademáis de compartir o día con usuarios de outras asociacións, se concienciará sobre as enfermidades mentais.
Con actividades como esta a Asociación de Axuda ó Enfermo Mental A Mariña contribúe a mellorar a autoestima e as relacións sociais dos seus usuarios, ademáis de visibilizar o gran traballo que fan nos talleres (neste caso de teatro).
Foto: actuación na Unidade Residencial en Cervo con motivo da celebración do Día Mundial da Saúde Mental