Santiago de Compostela, 05 de outubro de 15. A secretaria de Agricultura, Pesca e Desenvolvemento Rural do PSOE, María Luisa Faneca, visitará este martes a XVII Feira Internacional de Produtos do Mar Conxelados –Conxemar-, que se celebra esta semana no recinto feiral Ifevi de Vigo. A responsable socialista comezará a visita ás 10.00 horas e ofrecerá declaracións aos medios ás 12.30 horas no hall de entrada ao recinto.
Faneca estará acompañada pola secretaria de Pesca do PSdeG-PSOE, Carmen Casalderrey, e pola deputada autonómica e coordinadora da secretaría federal de área de Pesca do PSOE, Carmen Gallego. As representantes socialistas visitarán unha feira que, cunha superficie expositiva de 31.500 metros cadrados, se ten consolidado como un dos dous encontros do sector mais importantes do mundo.