Sumouse a este proxecto tanto para a directiva como para o monitorado xente do mundo do deporte mindoniense e pais de alumnos das Escolas Deportivas.
A xunta directiva ten como obxectivos crear unha estrutura organizativa para asegurar un bo funcionamento do proxecto, acompañar e arroupar aos deportistas en cada competición (no antes e no despois), e facer que os monitores non estean sós á hora de realizar o seu traballo.
Os voluntarios súmanse para que os rapaces e rapazas teñan a mellor preparación. Así, cóntase con:
Hermelino (fútbol-sala)
Pepe (fútbol-sala)
Valentín (tenis de mesa)
Salaverri (ciclismo)
Toni Salaverri (atletismo)
Moncho (ciclismo)
Jorge (ciclismo)
Montero (atletismo)
Rispa (fútbol-sala)
Suso (ciclismo)
Raúl (fútbol-sala, bádminton, atletismo e baloncesto)
Juan (bádminton e fútbol-sala)
Luís (baloncesto)
Charly (baloncesto)
Susana
Coordina este traballo Hermelino García Leiras, ex-adestrador do Mondoñedo FC e do Abadín
Forman parte da xunta directiva Pepe, Raúl, Mabel, María Sol, Jose Luís, Moisés, Susana, Rispa e, como presidente, Ramiro Chao Rego.
Contan con equipos de fútbol-sala pre-benxamín, benxamín, alevín, cadete e xuvenil; con equipos de baloncesto, en colaboración con Lourenzá, cadete e júnior; con sección de duatlón, bádminton e tenis de mesa.
A asociación leva tamén os grupos de ximnasia de mantemento e as rutas de sendeirismo.
Contan cun proxecto importante de recuperación da base do baloncesto na localidade, co proxecto “baloncesto, un xogo”, no que se organizarán 3×3 de baloncesto, concentracións con alumnos doutras escolas, partidos especiais contra equipos da provincia, seleccións de xogadores, e se impartirá baloncesto no CEIP Álvaro Cunqueiro Mora.
Destacar tamén que en tenis de mesa contan coa colaboración do Casino de Mondoñedo, que lles cede as súas instalacións.