‘Cabalos e lobos’ xa na biblioteca de Ribadeo

A Agrupación Cultural Francisco Lanza retoma as reunións do seu club de lectura neste mes de novembro. A obra elixida recibiu un dos premios máis prestixioso das nosas letras, o Blanco Amor de novela, neste caso de 2014.
Cabalos e lobos, de Fran P. Lorenzo incardina as vidas particulares das personaxes co decorrer da cidade de Vigo ao longo do século pasado, converténdoa case na protagonista principal. A Agrupación quere aproveitar a visita do escritor para o comentario da obra e é por iso que xa pon a disposición das persoas interesadas varios exemplares depositados na Biblioteca Municipal El Viejo Pancho de Ribadeo. A xuntanza-presentación vai ter lugar na Casa das Letras o vindeiro 20 de novembro ás 20.30 horas.