O Concello de Barreiros festexará o Samaín con actividades dirixidas aos nen@s no Salón de Actos do Centro Sociocultural Manuel Díaz Sampedro. A Festa do Samaín celebrarase o 30 de outubro entre as 17.00 e as 20.00 horas e contará con monitores, que prepararán para os cativos diversas actividades, como pintacaras ou un obradoiro de manualidades. Todos os materiais serán facilitados polos monitores. Ao acabar, sobre as 20.00 horas, haberá unha degustación de chocolate con churros para todos os asistentes.