Ao acto acudiron representantes de todos os partidos políticos de Burela, así como diversas asociacións, profesionais do Centro de Saúde de Burela así como numerosos veciños desta localidade.
Gardáronse catro minutos de silencio, logo de que o Señor Alcalde de Burela dixese unhas palabras, e a Presidenta de Mujeres en Igualdad Burela, Mary Fraga, trasladase aos asistentes esta mensaxe:
“A Violencia de Xénero non entende de razas, nin de clases sociais nin tampouco de cores políticas. Ante esta lacra social, todos debemos permanecer unidos, porque a unión fai a forza, e con forza gáñanse batallas, batallas como esta onde deberemos pelexar unidos para terminar con esta lacra”
Posteriormente membros de Mujeres en Igualdad Burela, dirixíronse a San Cibrao para acompañar a Mujeres en Igualdad Cervo, nos actos de repulsa organizados por esta asociación e que se desenvolveron na Praza dos Campos unha hora máis tarde.