Cervo, 17 de outubro de 2015.- O alcalde de Cervo, Alfonso Villares, e a concelleira de Servizos Sociais e Igualdade, Pilar Armada, homenaxearon este sábado a unha veciña do municipio que celebrou o seu centenario: Amalia González Baltar. Os representantes do Concello entregáronlle un ramo de flores e charlaron con ela antes dunha comida familiar na que houbo máis de 50 participantes.
Amalia González Baltar naceu na localidade cervense de Pedrosa e dedicouse a agricultura. Quedou viúva hai 29 anos. O seu marido era construtor, profesión que exerce actualmente un dos 10 fillos que tivo, dos que dous xa faleceron. Ten 16 netos e 12 bisnetos.
