A falta de ritmo da primeira tirada da tempada, nun campo seco e un pouco irregular, provocaba que os xogadores de bolos de Xove acadaran uns tanteos por debaixo das súas posibilidades. Aínda así, excelente participación para ser a primeira tirada con 29 inscritos.
Liga Sénior Masculina
Vitoria clara de Álex Meitín, campión da tempada 2013/2014, que demostra que, se pode asistir regularmente ao campioanto -xa que é dianteiro na U.D. Xove-Lago-, será un dos principais candidatos ao título. Trátase dun xogador que comezaba a súa andaina neste deporte dende neno, tendo nos últimos anos unha progresión espectacular. Isto, sumado á súa gran envergadura -ten uns brazos moi longos- fai que as súas condicións para a práctica deste xogo sexan inmellorables.
A segunda posición foi para outro clásico deste deporte: José Manuel Cociña que, se ben non está no seu mellor momento físico, si mantén dende fai anos un nivel moi aceptable, manténdose só un escalón por debaixo dos grandes favoritos.
E, no terceiro posto, Francisco Pérez, outro xogador que sen dúbida vai contar para o podio final. Cuarto quedou outro dos grandes animadores, José Rafael González, que xa sumou os seus primeiros puntos na súa tentativa de mellorar o subcampionato da pasada tempada.
Liga Sénior Feminina
Poucos cambios nesta Liga onde o grupo gañador da pasada temporada segue mandando nesta. Xa dende o comezo marcan a diferenza co resto das participantes Belén Meitín, Carmen Roca e Salomé Cardoso. Un escalón máis baixo atópanse Salomé Bermúdez, Paula Campo e Concepción Piñeiro que tentarán, ao longo de toda a tempada, subir a algún deses escalóns de privilexio ocupados polas tres primeira citadas.
Destaca a participación nesta primeira tirada na categoría feminina porque, en Xove -igual que noutros lugares- o xogo dos bolos tradicionalmente foi de homes. Abrilo ás mulleres é un paso moi importante.
Liga Sub 16
Das recentes Xornadas de Promoción dos Bolos no IES Illa de Sarón esperamos captar algúns xogadores para esta Liga co fin de ir renovando e sumando sabia nova a este deporte para garantir o seu futuro.
Nesta primeira tirada houbo 3 novas incorporacións (2 rapaces e 1 rapaza) que nunca asistiran. Trataremos de que se queden e ir incorporando algún máis ao longo da tempada.
E, no que á competición se refire, o vixente campión comezou impoñéndose con absoluta claridade. Vai ser difícil que algún dos xogadores o poida inquietar, polo que é máis que seguro que repita vitoria. Estamos a falar de Daniel Alonso, que polo seu xogo e as súas condicións físicas, xa pode ir pensando en subir de categoría. Non nos cabe ningunha dúbida de que no seu nivel actual de xogo podería competir perfectamente cos grandes na categoría sénior.
A vindeira tirada vai ter lugar no CLUB PALMEIRO, o vindeiro sábado 10 de outubro de 2015.
| CAMPIONATO DE BOLOS DE CENTRO SOCIAL DE LAGO (3 OUTUBRO 2015) 29 INSCRITOS: 12 NA LIGA SENIOR, 8 NA LIGA SUB 16 E 9 NA LIGA FEMININA | |||
| CLASIFICACION | NOME | TANTOS | PUNTOS |
| LIGA SENIOR | |||
| PRIMEIRO | ALEX MEITÍN SERANTES | 222 | 12 |
| SEGUNDO | JOSÉ MANUEL COCIÑA RIVERA | 198 | 10 |
| TERCEIRO | FRANCISCO PÉREZ GONZÁLEZ | 192 | 8 |
| CUARTO | JOSÉ RAFAEL GONZÁLEZ BERMÚDEZ | 187 | 7 |
| QUINTO | RAMÓN FRANCO BERMÚDEZ | 183 | 6 |
| SEXTO | JORDI MEITÍN SERANTES | 181 | 5 |
| SÉTIMO | MOISÉS RODRÍGUEZ CASABELLA | 157 | 4 |
| OITAVO | ARTURO RODRÍGUEZ ÁLVAREZ | 142 | 3 |
| NOVENO | CÉSAR CANCELOS LÓPEZ | 132 | 2 |
| DÉCIMO | JOSÉ ANTONIO RODRÍGUEZ GALDO | 128 | 1 |
| MELLOR BOLADA | JOSÉ RAFAEL GONZÁLEZ BERMÚDEZ | 66 | 1 |
| LIGA SUB 16 | |||
| PRIMEIRO | DANIEL ALONSO LÓPEZ | 179 | 6 |
| SEGUNDO | JUAN MANUEL FERRO SANTOS | 134 | 4 |
| TERCEIRO | MIGUEL LÓPEZ FORMOSO | 133 | 3 |
| CUARTO | JULIA LÓPEZ FORMOSO | 114 | 2 |
| QUINTO | BRAIS BALMAYOR RODRÍGUEZ | 82 | 1 |
| MELLOR BOLADA | MIGUEL LÓPEZ FORMOSO | 56 | 1 |
| LIGA FEMININA | |||
| PRIMEIRO | SALOMÉ BERMÚDEZ BEN | 142 | 6 |
| SEGUNDO | BELÉN MEITÍN ROUCO | 117 | 4 |
| TERCEIRO | SALOMÉ CARDOSO RODRÍGUEZ | 113 | 3 |
| CUARTO | CARMEN ROCA CORRAL | 101 | 2 |
| QUINTO | CONCEPCIÓN PIÑEIRO LÓPEZ | 96 | 1 |
| PAULA CAMPO SUÁREZ | 53 | 1 | |