Podio para 3 atletas do Lourenzá na subida ó Comado

O Clube Atletismo Lourenzá lograba 5 trofeos na “Subida a Comado” onde participaba cunha gran representación tanto na categoría masculina coma feminina e nas probas dos 21 km coma dos 4,5 km e 1/2km vertical.

As mulleres conseguían 3 trofeos na carreira curta: Marisa Ares entraba primeira en meta da xeral adxudicándose tamén o primeiro posto como veterana A. E a súa compañeira, Begoña Iglesias, atravesaba tamén a liña no segundo posto entre as veteranas A. Cabe destacar tamén a actuación de Karina Álvarez na súa primeira proba de montaña.

Na mesma proba, pero na categoría masculina, participaban: Rubén García, Luis Graña, Mohamed Bouyzar e Jose Gavín.

Pola súa banda, na proba dos 21km Marcos Rodríguez conseguía outro trofeo para o club; xa que entrando cuarto da xeral, convertíase no segundo veterano A en entrar en meta. E, igualmente, Loli Rodríguez tamén entraba segunda entre as mulleres e acadaba o segundo posto como veterana A obtendo 2 trofeos máis. Pachi, igual que os compañeiros da proba anterior que non subiron ó podio, asinaron unha gran carreira; xa que esta non é a especialidade do clube que raras veces acude a carreiras de monte, dedicándose máis activamente ó asfalto.

Así, o club felicita ós organizadores desta SUBIDA A COMADO “na que se puido comprobar a cada paso o enorme traballo feito. Cando algo gusta é fácil que salga ben.”

Begoña Torrego, en Valladolid
Begoña Torrego tamén participaba este domingo 10 de outubro na Carreira Popular Nocturna de Olmedo (Valladolid) levando o nome do club de atletismo a terras castelás.