Foz, 8 de outubro de 2015. Ata 18 establecementos hostaleiros de Foz participan na Festa do Mexillón que organiza o Centro Comercial Aberto (CCA) durante a ponte do Pilar, entre o 10 e o 12 de outubro.
Os locais que prepararán distintas receitas do produto son A Bolera, A Funcional, A Soalta, A Viela, Bar 78, Cafetería Pastelería Anduriña, Cafetería Restaurante Xoyma, Cervecería Portovello, Hostal O Norte, Marexada, O Muelle Bar, O Náutico, O Tangarte Mariñeiro, O Tangarte Mesón, Pescadería Cetárea Mar Cantábrico, Pizzería Xoiña, Restaurante Dandy e Restaurante Fina.
O Centro Comercial Aberto anima a todos a gozar deste evento e invita “á xente que nos visite eses días e aos veciños e veciñas de Foz e da comarca da Mariña a achegarse a saborear este produto, que atoparán preparado de diversas maneiras”. Con esta Festa do Mexillón, a directiva do CCA busca “ofrecerlle unha alternativa a esas persoas que acudirán a pasar a ponte do Pilar a esta zona”.