Segundo explica a edil Angélica Gómez “a actividade consistiu nun xogo, na Ocainmigrante, na cal os nenos e nenas mediante distintas probas van coñecendo aspectos como o racismo, a inseguridade e o desamparo, a acollida, a pobreza, a tolerancia e o respecto, guerras, papeis, marxinación, malos salarios, rexeitamento, integración, inxustiza… Con esta actividade queremos sensibilizar aos máis novos sobre esta temática e ensinarlles a ver o mundo dende outra perspectiva, así como a facelos conscientes das necesidades existentes no mundo que nos rodea”.
A actividade foi realizada cun grupo de nenos e nenas o mércores pasado e este mércores, 28 de outubro, volverase realizar nas dependencias do Ceip Virxe do Carme, “ao que lle agradecemos a súa participación”, engadiu a concelleira de Inmigración e Cooperación.