A Casa da Xuventude de Foz acolle o vindeiro xoves 26 unha charla informativa sobre o plan de garantía xuvenil

Foz, 19 de novembro de 2015.- A Casa da Xuventude de Foz acollerá o próximo xoves, 26 de novembro, unha charla informativa sobre o Plan de Garantía Xuvenil, dirixido a mozos de entre 16 e 29 anos que buscan unha oportunidade laboral e formativa. A charla comezará ás 12 do mediodía e para asistir é necesaria a inscrición previa no teléfono 881.995.700.

A charla forma parte da xira do Plan de Garantía Xuvenil, financiado pola Xunta a través do Fondo Social Europeo, por distintos municipios de Galicia.