A doutora Teresa González inauguraba este xoves o ciclo de charlas médicas de Foz cunha conferencia sobre reaccións alérxicas graves

Foz, 13 de novembro de 2015. A conferencia sobre reaccións alérxicas graves a cargo da especialista en Alergoloxía Teresa González Fernández inaugurou onte o ciclo de charlas médicas de Foz no salón de actos da Casa da Cultura focense, que acolleu a numeroso público. A doutora foi presentada pola concelleira de Cultura, Silvia Blach Cuesta.

O ciclo continuará o vindeiro xoves, día 19, cunha charla sobre coidados ao remate da vida ou paliativos a cargo da doutora Belén Fra e da enfermeira Mar Pérez; e rematará o día 26, xornada na que o tema será a automedicación, do que falará a doutora Concepción Castro Rubiños, que é especialista en Farmacia Hospitalaria. As dúas celebraranse na Casa da Cultura focense ás 20.00 horas.