Inaugurado o monolito en homenaxe ás xentes do mar en Burela

Burela, 14 de novembro de 2015.- As xentes do mar xa contan cunha particular homenaxe no Cabo Burela, en pleno paseo marítimo.

Alí foi inaugurado este sábado un monolito, grazas á colaboración do Concello burelés e do departamento de Costas, do Ministerio de Medio Ambiente.

Ao acto asistiron veciños, xubilados do mar e varios membros do equipo de goberno: o alcalde, Alfredo Llano, e os concelleiros de Turismo, Medio Ambiente e Mar, Ramiro Fernández, Noelia María Ben y Patricia Otero, entre outros.