Minuto de silencio en repulsa dos atentados do pasado venres en París e en memoria das vítimas diante da Subdelegación do Goberno en Lugo. Ao acto que se desenvolvía este luns a mediodía sumáronse o subdelegado do Goberno, o xefe da Dependencia de Traballo e Inmigración da Subdelegación, o comisario xefe da Policía Nacional en Lugo, o xefe da Comandancia da Garda Civil en Lugo e traballadores da Subdelegación.
