Cruzando versos nace do C.F.G.S. de Educación Infantil do CIFP Porta da Auga de Ribadeo, co fin de darlle voz e lugar dentro da vila aos nenos/as, a través de versos de poetas galegos/as e asturianos.
Os nenos/as de 6º de Infantil dos centro educativos C.E.I.P. Gregorio Sanz e Sagrado Corazón acompañados dos alumnos/as do Ciclo de Educación Infantil, pintarán ao longo da mañá os pasos de peóns da vila, así como diferentes espazos públicos coa escolma versos.
Esta actividade leva meses preparándose dende o CIFP Porta de Auga en coordinación co Concello de Ribadeo.